小雪过后好番啲，起码顽疾有得医

 

“班友摆明捉虫……”末见个影先听把声，喱种咪正宗老而不风格囉！我不敢怠慢、急急脚走去开门：“又乜料呀不哥？个天都畀你嘈冧”，老而不打开张报纸畀我睇，我落眼一望：“车！板前、板长寿司结业之嘛，有乜奇喎？”，老而不回话：“再细心睇落去……”，“啊！原来……只不过全线赠送结束”我绉着眉头答话：“乜搞啲咁嘅嘢，万一真应验咪大镬！”老而不干笑了一声：“你老板，早轮你咪触机咩叉：双十节百岁，双棺双风吹，双木乘风成林去，文昌化忌日日衰……配套入喱单捉虫嘢去测，我认为又系大婆块山地（凶多吉少）”，“自古帝皇由此出，探花榜眼状元来……人家块福田、你老而不话系山地，信唔信告你诋毁嗱！哈哈！”我边笑骂死肥佬边答他说话：“你条友虽然咸咸湿湿，唯独思想有时都正确、谂嘢也有建设性，可以抵消多少罪咎嘅…… ”，讲到匿戍老而不也不禁失笑：“ 哈哈！你知嘛！外国科学家研究发现，凡系萝友大嘅人、多数聪明伶俐……”，“系咩！咁你记住好好保养咪畀佢瘦囉！”我对佢扮咗个鬼脸答道：“你所讲我亦认同，嗱！（双棺双风吹，双木乘风成林去，文昌化忌日日衰）正好道出两块板两件木……将一语成谶，文昌化忌日日衰……讲得嚟啱喇！睇佢几时真执笠。”

 

相反内心却终日忐忑不安，原因系国内又再高唱大海航行靠舵手……咪话听到歌声、就系闻说也即刻毛骨悚然！”我听完佢讲之后拿拿淋起出出年个命盘：“系咁之嘛！唔使栗wo阿doy！你睇吓出年个八字就不会大惊小怪喇，壬辰、壬寅、乙未、乙酉。不哥，你有乜发现呢？”，“全木局，水弱、缺火、金损…… ”老而不答。“冇错，五行偏枯，所以明年好极有限。配套入关系法：乙未为巽系毛，壬水为坎系泽，寅辰拱卯为震系东……玄机一早测定老毛阴魂不散，并且追杀帝国主义者（酉金）哈哈！”，老而不睇完个八字也觉得好笑，之不过冇耐块面沉了下来：“阴功！你睇旧金几折堕、缩埋一角。照咁睇，明年欧洲应该全面揸兜……”，我好肯定咁答佢：“冇错！话西方、西南……掂嘅除咗我哋特区不讲零正、命名不论部首、批命不论用神八法……嘅长毛大师之外，断估略有风水知识之人都不会发表意见咁笨！”大家相顾发出会心微笑。随即老而不再发问：“喂！你点睇今年第四季投资市场？”，我沉吟了一阵答道：“今年二五交加夹东南，大雪后年月五黄二黑打孖嚟，冲激起煞气……讲​到明年东南，由今下半年衰到出年系正路。你睇下八字喇、金寒水冷土结冰，五行欠金缺火……我觉得投机市场不过冬至几难有转机……还有，整个冬季天灾人祸相比往年有增无减……”，老而不插发问：“咁即系话12月22日过冬前后股市会有喘定、反弹………机会？”我笑着颔首认同：“11月23日交入小雪，匿个节气其名艷如桃李冷若冰霜………所以许多女孩子都喜欢取之作名。虽然小雪之后严寒加剧，惟过冬至后一阳萌生，象征隆冬将不久、温暖已在望。12月上旬交入大雪农历十一月，月令双五黄二黑叠飞正东正南，当然受灾地区势必祸不单行，庆幸斗数太阳化禄天府化科……五行杀旺用食制。至此万物衰极有个谱”。

 

发嗡风至此大家都有啲肚饿，于是乎话之佢世界未日，最重要系祭肚为先！